أنا مش عايزة أتجوز (الجواز مؤسسة النكد)(1)





سلسلة من خمسة أجزاء 

الجزء الأول 
إعداد وكتابه :-

((  بسمة الناصرى ))


1-نظرة عامة ع الموضوع المريب دة


من فترة كدة ملاحظة الموضوع دة بقا ينتشر زى الجراد فى عصرنا ومجتماعتنا كلها من الصين وامريكا لحد العتبة ورمسيس وسط البلد ,تلاقى الست والراجل بعد ميطلقوا  يتحولوا لاعداء وكل واحد ماسك سكينة للتانى نفسى اعرف ايه السبب ورا كدا ,مع ان المفروض ان سبحان الله  الاتنين دول اتجوزا بعض عن قصه حب كبيرة وعن عشق وعاشوا فى بيت واحد وقضوا ايام حلوة سوا مع بعض يبقى ايه السبب اللى يخليهم يتقلبوا 360 درجة ويتحولوا للنقيض تماما يعنى يكرهوا بعض .


************************************* 
ومهما قريت او سمعت او شفت بعينى بقف عاجزة

ادام التغيير الانسانى الفظيع دة ,فمثلا لو اتنين اصحاب اتخانقوا لكن بيحبوا بعض بجد اقصى حاجة انهم يرجعوا لنقطة البداية الصفراو بدايه معرفتهم ببعض  وعمرها متوصل ابدا للكراهية  الا اذا كانوا من اصحاب النفوس الضعيفة والندلة ,وفى نفس الوقت لو برضة اتنين اشتغلوا مع بعض مهما يختلفوا او ينفسونا من بعض مش هتوصل للكره ممكن يضربوا حقن اة انما كراهيه او عداوة لايمكن الا ايضا للنفوس الضعيفة .
____________________________________ 

2- الجواز سجن وتهذيب واصلاح وتغيير للنفوس  


اما فى حالة الحب والعشق والجواز اقف ياباشا هنا الحكايه هنا مختلفة خالص وليه لو لقدر الله الامر انتهى بالطلاق او الخلع برضة بيتقلب الحال وبيتغير اوى كدة ,وتحس انه كل واحد منهم اما متجوز اقذر انسانه وهيه متجوزة احقر انسان على وجه الارض متقولشى شيطان متحرك وكل واحد شايف نفسه جوا نفسه ملاك ابيض جميل برئ والتانى فيه كل العيوب والعبر اللى فى خلق ربنا .

3-عمليه التحويل الملعونه 


هنا بقا حولنا الحب للعبه قذرة وظلمنا الحب بأنفسنا الضعيفة وهدمنا قيم الزواج اللى ربنا منزلها من سبع سموات وحولنا الجواز لسيرة سيئة ومقرفة .

4-عمليه الرد مكفولة للجميع 

هنا بقا هسيب ليكم حرية الرد على سؤالى ايه سبب التجويل والتغيير والانقلاب الرهيب دة بين الست والراجل بعد الجواز ومن وجهه نظرك السبب ايه ياترى :
انتقام .
رغبة جشعه .
خيانه .
خلفيات سيئة عن مؤسسة الجواز .

رغبات ونوايا دفينة .
 
الهروب والفرار من المؤسسة النكدة اللى خلقوها سوا .
ولا ايه ولا ايه ولاااااااايه .........
 
وربنا يهدى النفوس ويقل مسلسل النكد والكراهيه الطويل المرير .


قولوا 


آآآآآآآآآآآمين .


والى اللقاء الثانى 


مع منى واحمد 


وقصه حب جامدة اوى 







هل أعجبك الموضوع ؟

هناك 3 تعليقات:

  1. saber tawfik9/03/2010 3:09 م

    جامد اوى يا دكتوره بسمه الموضوع ده
    بس انا فى عندى تعليق عيكى
    انتى طرجتى المشكله ومستنيه الرد
    وجيتى فالاخر كتبتى بعض الاسباب
    انا من وجهه نظرى انك كنتى تسيبى كل واحد يفكر فالمشكله زى ماهو شايفعا وبعد كده تطرحى انتى الاسباب
    ومن وجهه نظرى الضعيفه ان احد اهم الاسباب هو عدم الثقافه الزوجيه المتولده اساسا فى مجتمع مش فاضى يدور على ثقافه زوجيه
    ك واحد بيدور اليومين دول ازاى يعرف يجيب لقمه العيش
    وفى النهايه تقبلى وافر احترامى

    ردحذف
  2. غير معرف12/14/2010 8:59 ص

    Acabo de añadir el feed a mis favoritos. Me gusta mucho leer sus mensajes.

    ردحذف
  3. غير معرف2/17/2011 10:46 م

    Muy buen post.

    ردحذف

جميع الحقوق محفوظة مهووسي الويب ©2012-2013 | ، نقل بدون تصريح ممنوع . Privacy-Policy| أنضم ألى فريق التدوين